बेळगाव : पाऊस चांगला झाल्यामुळे यंदा मलप्रभा जलाशयाची पातळी पूर्ण भरली असून या जलाशयातून सौंदत्ती, बैलहोंगल तालुक्यांसह हुबळी, धारवाडला पिण्याचे पाणी सोडण्यात येत आहे. जलाशय पूर्ण भरल्यामुळे येत्या उन्हाळ्यात मनुष्य, गुरेढोरे आणि शेतीच्या कामांसाठी पाण्याची समस्या भासणार नाही, असा विश्वास महिला व बाल कल्याण खात्याच्या मंत्री तथा मलप्रभा पाटबंधारे सल्लागार समितीच्या अध्यक्षा लक्ष्मी हेब्बाळकर यांनी आज व्यक्त केला.
मलप्रभा पाटबंधारे सल्लागार समितीतर्फे काल मंगळवारी सकाळी नवलतीर्थ धरणाच्या ठिकाणी गंगा पूजन आणि बगिना अर्पण केल्यानंतर त्या व्यासपीठावरून बोलत होत्या.
उत्तर कर्नाटकातील शेतकऱ्यांच्या शुभमुहूर्तावर मलप्रभा जलाशयाला गंगा पूजन आणि “बगीना नैवेद्य” अर्पण करणे हे आमचे भाग्य असल्याचे त्यापुढे म्हणाल्या. वरुण देव आणि आई रेणुका यल्लम्मा यांच्या कृपेने, आम्हा सर्वांना मलप्रभा नदीला बगिना अर्पण करण्याचे सौभाग्य लाभले आहे.
गेल्या वर्षी आम्ही अडचणीत होतो. तरीही आम्ही शेतकऱ्यांना आमच्या शक्ती पलीकडे वाचवण्याचे कार्य केले आहे. आता आम्हाला माता मलाप्रभाची कृपा लाभल्याचे त्यांनी सांगितले. बदामी, रामदुर्ग, नवलगुंद तालुक्यासह मलप्रभा डाव्या तीर व उजव्या तीराच्या कालव्यात पाणी सोडण्यासाठी जलाशयात पाणीसाठा करण्यात आला आहे.
या भागातील आमदारांच्या अपेक्षेनुसार उद्यान, प्रेक्षक आसन व्यवस्था वगैरे सुविधा उपलब्ध करून जलाशय विकसित करण्याकरिता मॉडेलमध्ये बदल करण्यात येणार असल्याची माहिती के.आर.एस.मंत्री हेब्बाळकर यांनी दिली.
एस, अलमट्टी धरणांच्या मॉडेलमधील मलप्रभा जलाशयाच्या आसपासचा परिसर विकसित करण्यासाठी के. आर. सर्व आमदार आणि लोकप्रतिनिधी कठोर परिश्रम घेतील. कारण चार जिल्ह्यांच्या 13 तालुक्यांतील लोक पिण्याच्या पाण्यासाठी आणि शेतीच्या कामांसाठी या जलाशयावर अवलंबून आहेत. आता जलाशय पूर्ण भरला असून लोक आनंदी आहेत, असे नवलगुंदचे आमदार एन. एच. कोनारेड्डी यावेळी बोलताना म्हणाले.
मलप्रभा येथील इंदिरा गांधी जलाशय ओसंडून वाहत असून जे प्रत्येकाला आनंदी करणारे ठरत आहे. जलाशय पूर्ण भरले असल्यामुळे आता या भागातील शेतकरी व जनतेला पिण्याच्या पाण्याची टंचाई भासणार नाही. सौंदत्ती विधानसभा मतदार संघातील जलाशयाच्या अधिक विकासासाठी शासन प्रयत्न करणार असल्याचे आमदार विश्वास वैद्य यांनी सांगितले. आजच्या गंगापूजन कार्यक्रमास बदामीचे आमदार चिम्मनकट्टी, मलप्रभा सिंचन सल्लागार समितीच्या बैठकीचे सदस्य, मलप्रभा सल्लागार समितीचे सदस्य सचिव व मयूर तीर्थ मंडळाचे अधीक्षक अभियंता व्ही. एस. मधुकर, पाटबंधारे खात्याचे अधिकारी व स्थानिक नागरिक उपस्थित होते.
नव्या पर्यटन मंदिराचे उद्घाटन : गंगापूजनापूर्वी महिला व बाल कल्याण खात्याच्या मंत्री लक्ष्मी हेब्बाळकर यांनी नवलतीर्थ येथील नव्या पर्यटन मंदिर इमारतीचे उद्घाटन केले. याप्रसंगी सौंदत्तीचे आमदार विश्वास वैद्य, नवलगुंदचे आमदार एन. एच. कोनारेड्डी, बदामीचे आमदार चिम्मनकट्टी, मलप्रभा सल्लागार समितीचे सदस्य सचिव आणि मयूर तीर्थचे अधीक्षक मंडळ अभियंता व्ही. एस. मधुकर यांच्यासह अधिकारी व कर्मचारी उपस्थित होते.