राष्ट्रवादीच्या महिला नेत्या आणि मंत्री आदिती तटकरे यांनी आज उमेदवारी अर्ज दाखल केला. श्रीवर्धन म्हसळा विधानसभेसाठी उमेदवारी अर्ज भरला, त्यांच्यासमवेत शिवसेना नेते भरत गोगवले हेही उपस्थित होते. आदिती तटकरे या महिला व बालकल्याणमंत्री असून लाडकी बहीण योजनेंची अंमलबजावणी त्यांच्या नेतृत्वात राज्यभरात करण्यात आलीय.
भाजप नेते आणि उपमुख्यमंत्री देवेंद्र फडणवीस यांनी आज आपला उमेदवारी अर्ज दाखल केला. केंद्रीयमंत्री नितीन गडकरी हेही त्यांच्यासमवेत अर्ज भरताना होते
उपमुख्यमंत्री देवेंद्र फडणवीस उमेदवारी अर्ज दाखल करत असताना एक्सवर ट्रेंडिंगमध्ये आहेत. एक्सच्या ट्रेंडवर #DevaBhau चा जोरदार ट्रेंड दिसून येत आहे.
भाजप प्रदेशाध्यक्ष चंद्रशेखर बावनकुळे आणि नितीन गडकरी यांच्या प्रमुख उपस्थितीत त्यांनी हा अर्ज दाखल केला आहे.
शिवसेना नेते आणि मंत्री उदय सामंत यांनी रत्नागिरी मतदारसंघातून आपला उमेदवारी अर्ज दाखल केला, यावेळी महिलांची लक्षणीय उपस्थिती होती . तर, येतील सभा संपल्यानंतर कार्यकर्त्यांनी उदय सामंत यांना उचलून घेतले .