मुंबई : ICICI बँकेच्या माजी सीईओ चंदा कोचर यांचे नाव एकेकाळी देशातील सर्वोच्च बँक अधिकाऱ्यांमध्ये सन्मानाने घेतले जाये, परंतु पती दीपक कोचरसह अटकेने त्या चर्चेत आल्या. पद्मभूषण पुरस्कारप्राप्त, देशातील रिटेल बँकिंग क्रांतीचे प्रणेते, सेलिब्रिटी सीईओ आणि महिलांसाठी एक आयकॉन मानल्या जाणाऱ्या चंदा कोचर फोर्ब्स आणि फॉर्च्यूनच्या मुखपृष्ठांवर झळकल्या आहेत. ICICI बँकेला देशातील सर्वात मोठी खासगी कर्ज देणारी बँक बनवण्यात त्यांचा मोठा वाटा होता. परंतु आपल्या चुकीने छंद कोचर यांच्या यशस्वी कारकिर्दीला उतरती कळा लागेल.
‘कॅश फॉर लोन’ प्रकरणात अटक
एकेकाळी ICICI बँकेचे नेतृत्व करून देशातील सर्वात मोठी खाजगी क्षेत्रातील बँक बनलेल्या चंदा कोचर यांना ‘कॅश फॉर लोन’ घोटाळा प्रकरणात अटक करण्यात आली. गेल्या वर्षी सीबीआयने अटक केल्यानंतर चंदा चुकीच्या कार्ने प्रसिद्धीच्या झोतात आल्या. व्हिडिओकॉन ग्रुपच्या कंपन्यांना ICICI बँकेने मंजूर केलेल्या कर्जामध्ये कथित फसवणूक आणि अनियमितता केल्याप्रकरणी चंदा कोचर यांना सीबीआयने पती दीपकसह अटक केली होती.
कोचर विरोधात चौकशी :
व्हिडिओकॉन समूहाला ३,२५० कोटी रुपयांचे कर्ज देण्याच्या कथित भूमिकेबद्दल तक्रार मिळाल्यानंतर ICICI बँकेने मे २०१८ मध्ये कोचर यांच्याविरोधात चौकशी सुरू केली. कोचर यांच्या ICICI बँकेच्या कर्जाच्या बदली पती दीपक कोचर यांना फायदा करून देण्यात आला. हा वाद अधिकच चिघळल्याने कोचर रजेवर गेल्या आणि त्यांनी लवकर निवृत्तीसाठी अर्ज केला जो मान्य करण्यात आला. मात्र, नंतर त्यांना डिसमिस केले गेले.
ICICI मध्ये मॅनेजमेंट ट्रेनी म्हणून केली सुरूवात :
तत्कालीन ग्रुप चेअरमन के व्ही कामथ यांच्या पसंतीच्या असलेल्या कोचर यांनी १९८४ मध्ये ICICI मध्ये व्यवस्थापन प्रशिक्षणार्थी म्हणून काम सुरू केले. यानंतर १९९० च्या दशकाच्या सुरुवातीला ICICI एक व्यावसायिक बँक बनली, तर २००९ मध्ये कामत यांच्यानंतर एमडी आणि मुख्य कार्यकारी म्हणून त्यांची निवड झाली. त्यांच्या उन्नतीमुळे शिखा शर्मा (ॲक्सिस बँकेच्या माजी प्रमुख), ज्या समूहातील वरिष्ठ होत्या त्यांनी बँक सोडली. २००९ मध्ये ४८ वर्षीय चंदा बँकेच्या सर्वात तरुण सीईओ बनल्या, परंतु व्हिडिओकॉनच्या वादात चंदा कोचरचे नाव आल्याने त्यांची प्रतिमा डागाळली.
एका दिवसाचा पगार सुमारे २.१८ लाख रुपये :
चंदा कोचर या भारतातील बँकेच्या सीईओ झालेल्या पहिल्या महिला होत्या, परिणामी बँकेच्या प्रमुख असताना चंदा कोचर यांची कमाई सर्वांनाच आश्चर्यचकित करणारी होती. त्यांचा रोजचा पगार सुमारे २.१८ लाख रुपये होता. ICICI बँकेला उंचीवर नेणारी महिला म्हणून त्या ओळखल्या जातात. तर फोर्ब्स मासिकाने जगातील १०० शक्तिशाली महिलांच्या यादीत तिचा समावेश केला आहे.
