पहिला बुडाने केले दुर्लक्ष आता महापालिकेने ही दुर्लक्ष केल्याने रहिवाश्यानी केला पुतळा दहन..
बेळगाव : बेळगाव महापालिकेचा भाग असलेल्या आणि बुडा येथून ११ क्रमांकाच्या योजनेत येणाऱ्या बसवन कुडची येथील देवराज अर्स कॉलनी या भागाकडे महापालिकेने व बुडाने दुर्लक्ष केल्याने रहिवाशांनी रस्ता रोको करून आंदोलन केले आणि पुतळा दहन केले . ही बुडाची पहिली योजना असून ती ही त्यांनी व्यवस्थित न केल्याने रहिवाशी आंदोलन करत आहेत.
अनेक वर्षे उलटली आहेत आतापर्यंत, महानगरपालिका नुसातच कर वसूल करते आहे त्यानुसार देवराज अर्स कॉलनीत कोणताही विकास झालेला नाही. योग्य रस्ते नाहीत, या वस्तीच्या स्थापनेपासून गटार बांधण्यात आलेली नाहीत. सर्वसाधारणपणे याठिकाणी पायाभूत सुविधा उपलब्ध करून देण्यात आलेल्या नाहीत. ही बाब 35 वर्षांपासून पालिका आयुक्तांच्या निदर्शनास आणून देण्यात आली. येथील एकाही आयुक्तांनी तसेंच महापौरांनी भेट दिली नाही आणि विकासकामेही झालेली नाहीत. .
रविवार दिनांक 24/09/2023 रोजी सकाळी 9 वाजता स्थानिक संघटना व महिला, नागरीक, महापालिकेच्या विरोधात घोषणाबाजी करत पुतळ्याचे दहन करण्यात आले. यावेळी देवराज अर्स कॉलनी वेल्फेअर सोसायटीने 15 दिवसात देवराज अर्स कॉलनीच्या समस्यांवर महापालिकेने प्रतिसाद न दिल्यास बेळगाव व बागलकोट राज्य महामार्गावर येऊन आंदोलन करू, अशी हाक दिली आहे.
यावेळी महेश हिरेमठ, वकील यल्लाप्पा दिवटे, डॉ जगत शंकरगौडा, बसवराज सुनगार, चंद्रशेखर कंम्मार, विठ्ठल तीमनाळ,सुनील नरेर, शिवू उप्पार, मंजू कमार, बी ए बोरंनावर व महिला आणि नागरिक मोठ्या संख्येने उपस्थित होते.
