बेळगाव : भारताला चार ऑलिम्पिक हॉकीपटू दिल्यानंतर कर्नाटक सरकारने अद्यापही बेळगावला आंतरराष्ट्रीय दर्जाचे हॉकी मैदान उपलब्ध करून दिलेले नाही, त्यासाठी जिल्हा प्रशासनाने बेळगाव हॉकी असोसिएशनची अॅस्ट्रोटर्फ मैदानाची मागणी तातडीने पूर्ण करावी, असे मत विकास कलघटे यांनी व्यक्त केले. संघटनेच्या वतीने आज जनता दर्शन कार्यक्रमात त्यांनी निवेदन केले.
आमदार राजू सेठ व जिल्हाधिकारी नितेश पाटील यांनी निवेदन स्वीकारून बुडा आयुक्त शकील अहमद यांना तातडीने बोलावून तातडीने कारवाई करण्याचे आदेश दिले. बेळगाव हे हॉकीप्रेमींचे माहेरघर आहे. जिल्ह्यात आज 500 हून अधिक खेळाडू नियमितपणे हॉकीचा सराव करत असले तरी अॅस्ट्रोटर्फ मैदानाअभावी त्यांना राष्ट्रीय स्तरापर्यंत पोहोचता येत नाही, ही वस्तुस्थिती आहे. सचिव सुधाकर चाळके यांनी माहिती दिली आहे.
यावेळी सचिव सुधाकर चाळके, प्रकाश काळकुंद्रीकर, मनोहर पाटील, नामदेव सावंत आदी उपस्थित होते.
