बीदर : सीमावादाच्या पार्श्‍वभूमीवर लातूर जिल्ह्यातील देवणी तालुक्‍यातील बोंबळी येथील नागरिकांनी महाराष्ट्र गाव कर्नाटकात जोडले जावे, अशी मागणी केली आहे.
बोंबळी गावातील रहिवाशांनी गावात बैठक घेऊन महाराष्ट्र शासन गावांच्या विकासात भेदभाव करत आहे. कर्नाटक सरकारने चांगले फायदे आणि योजना आणल्या आहेत. त्यामुळे आमचे गाव कर्नाटकात सामील व्हावे, या मागणीचे निवेदन त्यांनी तहसीलदारांना दिले. ग्रामपंचायत निवडणुकीवर बहिष्कार टाकल्याचेही त्यांनी सांगितले.
गावकऱ्यांनी लातूरच्या जिल्हाधिकाऱ्यांना पत्र लिहून गावातील शेती आणि पिण्याच्या पाण्याचा प्रश्न कायमस्वरूपी सोडवावा, कर्नाटक सरकार शेतकऱ्यांना 50 हजार रुपयांची मदत देईल, अशी मागणी केली आहे.
आम्हाला अनुदान उपलब्ध करून द्यावे, स्थानिक आरोग्य केंद्रात कायमस्वरूपी एमबीबीएस डॉक्टरांची नियुक्ती करावी, शेतीसाठी 10 एचपी. पर्यंत मोफत वीज देण्यात यावी अन्यथा गाव कर्नाटकात जोडावे, असा त्यांचा आग्रह होता.
